ເນື່ອງຈາກການປັບປຸງແລະຜ່ອນຜັນນະໂຍບາຍການຄວບຄຸມໂລກລະບາດໃນປະເທດຈີນ ການຕິດຕໍ່ລະຫວ່າງປະເທດໄດ້ກັບຄືນສູ່ຄວາມສະດວກອີກຄັ້ງ ເຮັດໃຫ້ນັກສຶກສາຕ່າງປະເທດຈໍານວນຫຼາຍທະຍອຍກັບຄືນມາຍັງກວາງຊີ ແລະເລີ່ມດໍາລົງຊີວິດໃນມະຫາວິທະຍາໄລອີກຄັ້ງ. ນາງ ຈ່າງຝູ ນັກສຶກສາຊາວໄທ ຈາກມະຫາວິທະຍາໄລພາສາຕ່າງປະເທດກວາງຊີ ກໍຈະຈົບການສຶກສາໃນບໍ່ຊ້ານີ້. ປັດຈຸບັນ ນາງສາມາດໃຊ້ພາສາຈີນໄດ້ຂ້ອນຂ້າງຫຼ່ຽນໄຫຼ ແລະມີແຜນການອາຊີບຂອງໂຕເອງຢ່າງຊັດເຈນ. “ຫຼັງຈາກຈົບການສຶກສາ ຂ້ອຍຢາກພັດທະນາຕົນເອງຢູ່ໃນປະເທດຈີນ” ນາງກ່າວກັບນັກຂ່າວ. ນາງຕັ້ງໃຈວ່າ ຈະເປັນຜູ້ດໍາເນີນລາຍການຜ່ານເຄືອຂ່າຍອອນລາຍ ເພື່ອແບ່ງປັນປະສົບການຊີວິດໃນຈີນຂອງນາງໃຫ້ຄົນອື່ນໆໄດ້ຮັບຮູ້ ແລະສົ່ງເສີມຄວາມເຂົ້າໃຈລະຫວ່າງວັດທະນະທຳໄທ-ຈີນ ໂດຍເປັນທູດດ້ານການແລກປ່ຽນວັດທະນະທຳລະຫວ່າງສອງປະເທດ.
