နိုဝင်ဘာလ ၁၇ ရက်နေ့တွင် ထိုင်းနိုင်ငံ၊ ဘန်ကောက်မြို့ သွန်ဘူရီ တက္ကသိုလ် မှ ဒုတိယ ပါမောက္ခချုပ် မစ္စတာ လင်းရူ ဦးဆောင်သော ကိုယ်စားလှယ်အဖွဲ့သည် ကွမ်ရှီးနိုင်ငံခြားဘာသာတက္ကသိုလ်သို့ လာရောက်လည်ပတ်ခဲ့သည်။ တက္ကသိုလ်၏ ဖွဲ့စည်းတည်ထောင်သူများထဲမှာတစ်ဦး ကျူးကွီလင်သည် လှိုက်လှိုက်လှဲလှဲကြိုဆိုသည်။ နှစ်ဖက်သည် ပညာရေး ပူးပေါင်းဆောင်ရွက်မှုများ နက်ရှိုင်းစွာ ဆောင်ရွက်ခြင်း၊ ရိုးရိုးဘွဲ့၊မဟာဘွဲ့ ပူးတွဲသင်တန်းများ စတင်လုပ်ဆောင်ရန် ကြိုးပမ်းခြင်း အပါအဝင် ကိစ္စရပ်များကို နက်နက်ရှိုင်းရှိုင်း ဆွေးနွေးခဲ့ကြပြီး တက္ကသိုလ်နှစ်ခုကြား အပြည်ပြည်ဆိုင်ရာ ပညာရေး ပူးပေါင်းဆောင်ရွက်မှုကိုအတူတကွဆွေးနွေးညှိနှိုင်းခဲ့ကြသည်။
ဒုတိယ ပါမောက္ခချုပ် မစ္စတာ လင်းရူ သည် သူကိုယ်တိုင် ကွမ်ရှီးနိုင်ငံခြားဘာသာတက္ကသိုလ်နှင့် ရှိခဲ့သည့် နက်ရှိုင်းသော ဆက်ဆံရေးသမိုင်းကို ပြန်လည်သတိရခဲ့သည်။ ၂၀၁၄ ခုနှစ်တွင်၊ သူသည် ထိုင်း-တရုတ်နှစ်နိုင်ငံပညာရှင်အသင်း၏ဥက္ကဋ္ဌအဖြစ် ထိုင်းနိုင်ငံ ဘန်ကောက်မြို့တွင် ကွမ်ရှီးနိုင်ငံခြားဘာသာတက္ကသိုလ်၏ ထိုင်းနိုင်ငံ ကျောင်းသားဟောင်းအသင်း စတင်တည်ထောင်ခြင်း အခမ်းအနားကို ဖွင့်လှစ်ပေးခဲ့ဖူးသည်။ ဒုတိယ ပါမောက္ခချုပ် မစ္စတာ လင်းရူသည် ကွမ်ရှီးနိုင်ငံခြားဘာသာတက္ကသိုလ် အနေဖြင့် လွန်ခဲ့သည့် ဆယ်နှစ်ကျော်အတွင်း လူ့စွမ်းအားအရင်းအမြစ် မွေးထုတ်ရာတွင် ရရှိခဲ့သည့် အောင်မြင်မှုများကို ချီးကျူးဂုဏ်ပြု ပြောကြားခဲ့သည်။
